上次講完好兒堂最愛的內銀股票期權的選擇，今次再講下另外三隻至愛。
友邦雖然息率唔高，不過勝是大行愛股，常在$80-100中波動。我通常股價大跌偷雞開short put @$60-67.5，回彈機率很高。
信義玻璃是一隻有趣的股。好兒堂年幾前$14.8買入正股，之後$25-30 就賣走2/3，現在只剩下4000股。之後股價一路在$20 上落。上年年低信義玻璃開始有期權玩，我見它股息不錯（7-8%），就每次在約在$20左右做short put,通常做$17-18，好似都未接過貨。不過最近信義玻璃被大摩降級，股價就落到$17-18，所以我就依一兩個月就開$15.5 - 17 的Short put。 又係果句，接到貨就收8%股息。
最後，中移動又係一隻奇股，上年年低被外圍玩謝，通常在$46-50 上落，所以當時開$45-48的short put。不過，今年開始，股價上返$50-55，所以開short put 都在$48-50左右。有7%股息，加上回A股後，勢頭不錯。
