遲到遲到........
Stock (in HKD$)
都係得個等字。。。
無咩買賣。暑假開始，要陪小朋友，所以只記錄下。
六月中小朋友終於考完試，他的暑假活動應聲開始。
剛剛星期六全家人去了海洋公園玩及在酒店住了一個晚上。星期六天氣不理想，入園時已下細雨，但一行人也跟著小朋友左去右去，幸好天氣不好，入園人數不多。早上已去了他大部分他想去的地方，也訂喂企鵝的活動。中午食飯後，天氣開始轉壞，打雷下大雨，幸好在最壞的情況前已跑到企鵝館旁邊的商店避雨。等了差不多半個小時，我們就去了喂企鵝。不過，當我們出來的時候，天氣沒有好轉，原本計劃回酒店取房間後去試酒店的無邊游泳池，但最後因紅黃雨游泳池也關閉。無計，回房後在房間休息，之後去食自助餐慶祝父親節，當然，小朋友有少少失望，好彩他可以食雪糕，叫做開心返少少。回房後，他又和我泡浴（每次住酒店的基本活動），和他一起嬉水，十分開心。
第二天，小朋友七點未夠就去洗面刷牙。八點我門就開始食早餐，眼看外面天氣也是不穩定時晴時雨（後來又黃雨），所以訂了酒店的play house玩，玩到差不多十點多，我見天文台沒有黃雨，就打電話給前台，確定酒店游泳池重開，和太太商量後，決定和小朋友去玩三十分鐘（因要十二點交房）。小朋友聽後十分興奮，馬上回房準備。最後，我們也在泳池玩了四十分鐘，回房沖涼後就交回酒店房離開。
回家後，雖然全家人也很累，但十分開心。食完飯後，小朋友也幫忙洗碗碟。
心想，今年的父親節，小朋友又長大了。他開始有計劃，有他的想法，也會幫忙。
希望可以一直和他有更多經歷。😬
又過一個月，都係要輸2%。不過，今個月做多左交易，主要是賣出QQQ , 一來對納指有啲驚，二來賣出後叫做賺少少轉去接388 （@320）。我自己覺得現在港股跌到依度差不多，值博率高少少。點都好啦，錢一定會保持在股市中，只是放在不同的地區。
股票期權就無咩交易，最主要係依幾個月接左唔少貨，接到有啲飽，二來大市真係難攪，站錯邊一跌落去命都無。這個時候都是少做少錯。只是把9618再roll 去六月，依個9618復活了好幾個月，希望今個月攪得掂啦。
利息股息都是少少，叫做加埋夠交margin利息多少少。七，八月應該會好好多。
繼續努力游泳和等等等，頂住啦💪
今個月都係白做，大市好淡爭持，果頭升完又跌過，科技股又跌跌跌，真係無咩好做，加上手上過去食貨食到怕怕，唔今做short put。
期權只係將假9618再roll 去六月，又開左隻388 SP @320 May，所以今個月期權收入又負數😮💨。
無計，收下股息頂住先啦。9618的業績唔差，希望依排會好返d啦。
小朋友又評估，又默書，又有其他活動，又要準備六月頭考試，忙到痴肺🤮。今個月簡簡單單update下先。
頂住頂住，加油啦😭
今個月通關後，本以為大市好返啲，點知黑天鵝炸不停，炸完一隻，又一隻，人心惶惶，好彩叫做月尾好返少少。 YTD比上個月升返d d ，有6.5%，今次只係比VTI好少少，但又係比QQQ差😩，又是白做的一個月。
股票期權雖然做到$57k，主要係補返上月的損失，而又食左兩隻大貨，分別16000股868(price@$16.5) 和1500股9618 (price@$200)，依個月食飽飽貨🤮。依兩隻野係二月roll 到三月簿，本來無諗住接貨，點知兩隻股好似食左瀉藥，成個三月跌得好急，無辦法再roll去下個月，最後接貨收場，今就用左我$550k子彈😤。好彩月尾大市有返少少生氣，希望頂得住啦💪。
三月開始，股息開始滾進來，先是SG reit，最後收到$33k，叫做補補血！
加油，頂住頂住😬。
話今快又二又過去，關口開返，而口罩令都無埋，經濟開始復常，股市叫左升一升做下樣，不過最後都係回落收場😩。YTD又跌返落去，只有4.19%。今個月表現比VTI,QQQ 差，真係唔知點算😮💨。
期權表現只得一個字：差！不過差都要面對。主要是大市回落，兩支二月SP入曬價，試學其他師兄做法，決定keep現金，唔接貨，將868 和9618 roll 去三月，所以權金今個月得負數。希望三月好返少少啦。
二月無咩股息收，之前賣埋隻AGNC，用來減吓槓桿（因為利率又升左，減少利息支出）），所以今個月股息極少，期望三月開始有轉機啦。
今個月真係無咩好嘢，唯有專心睇書和運動啦😤。
加油，頂住💪💪
好快又新一年，很多的防疫措施已消失，覆常已成大方向，經濟正慢慢回覆正常。當然，所謂正常，只是减少被疫情的影響，而其他的“黑天鵝”依然存在。不過大市已經開心到彈起，而Portfolio也一起向上。YTD 上升13.91%，雖然還是差8%才平手（22年YTD -21.6%)，但已比上月好好多。對比QQQ 和VTI,分別9% 和5%，叫左對自己有交代。
股票期權今個月表現終於好返啲，收到$34.8k權金，叫做補返少少之前兩個月的不足。不過，868就因為這兩個月升得太快，隻short call（@$13.0）太入價，最終放棄搶救，在發射台上準時射出，拿返$410k，埋單這次蝕了約$50k😩。因為明知個倉無曬868的貨，就反手開short put 睇吓月低接唔接到貨，接唔就收下權金先，最後又收$4k。
過年前大市上升，跟手開388 和9988的covered call，諗住等到二月全出貨收返本金（$810k)和食埋差價（平均價388@$405，9988@135），點知其後又跌返落去，馬上埋單，有糊先食，收返$6.7k和所有貨，大市似向上，再等下次幾會。
頂住，加油！😬
話咁快做咗全職男已經兩年，2022可以講係一個投資的考驗。年年難過年年過，今年真係唔容易過。
全年YTD TWR -21%，錢真真唔容易賺。全年差不多跌足10個月，跌都跌到懷疑人生。很多東西都冇辦法預料和控制，只能盡力去做。自2021年頭開始就兵分三路：ETF,股息和期權，希望繼續可以做到相對穩定又帶點靈活。但今年的期權投資真的十分難搞，最後三個月真係玩死。
全職男會參考一下其他blog友的期權做法，避免接貨，保留現金實力，在2023年嘗試邊走邊打的方法。又係果句投資好似馬拉松，高位低位一定有，只要頂得住，挨過低位就可走下去。
期權加股息大約有$41萬，叫做幫補一下家庭開支。
頂住😤加油💪。
