上年九月，跟人用股票篩選器去找四支股票https://hoietong.blogspot.com/2020/09/blog-post.html。今天要打自己十大板。
四支股票分別：
1）813 - 買入價約$33，現價約$5.5 （跌$27.5，約-80%）；已在～$18時全部賣掉，輸少當贏，叫做執返身采。😩
2）868 - 買入價約$15，現價約$19.6 （升$4.6，約+30%）；在～$25賣出部分；見股東繼續增持，等等先。
3）960 - 買入價約$43，現價約$38.2 （跌$4.8， 約-11%）；叫做龍頭股，等等先，有機會走人。
4）1313.買入價約$11， 現價約$5.97 （跌$5.03，約-45%）；已在～$7時出全部賣出，都係輸少當贏。😩
總結自己不才，選股能力低，來來回回計埋股息，都係嘥時間蝕錢。國策玩謝左，都係玩返股票期權和美股ETF算數。😭
十一月，又係不容易過的一個月。
開始時，上半個月還可以，但到月底感恩節後來個返高潮，心血少都會死😭。不過最後又食左三件貨，分別883，9988 和939。一個字。。。。灰字😩！883 和939 已做$8.0 和 $5.25 @12 月的covered call，如被call走都叫做賺返$7k 回來，幫補吓12月的期權目標。 隻9988就要再睇下點攪😩。
今個月無咩特別行動，不過，睇完黃國英講港股和科技股，真係要思考一下，特別中國對科技股的行動，真是無咩運行，唉😮💨！
頂住啦😤😤!
上星期可以保持游泳兩日，做到目標2000米。
今天希望繼續努力，不過最終不能達標😩。今日天氣很好，有陽光，不過風大，有點凍，如果不游只企都會凍。游到700米，大腿肌肉少少抽筋，不能繼續游下去，沖熱水離場。
一直都好驚主池因為水深，一直好驚冬天游泳，因為好似好凍。 今日終於可以做到，所以做個記錄。
今日只有15度，但感覺不是太凍，只穿短褲短袖加風褸出門。
游泳池都係有不少人，泳池有暖水，又不是好凍。慢慢游，一個小時十五分鐘游完1000米，感覺不是太累。
對自己有個交代，不管心理和身體上。期望星期五再來。😬
不好意思，今次唔講投資，講下自己的事。
自己從少就喜歡踢足球，可能是當時因為常看足球小將吧⚽️。當然，自問技術不是職業水平，但最少在足球場咋可以搵到很多朋友，得到不少歡樂和滿足感。不過這個興趣直至六七年前就停了，因為隻腳在一次的友誼波中斷了前十字韌帶，自此，足球的活動就開始停下來。
剛受傷的時候，不太希望做手術。但在一次朋友聚會中，得到朋友的再三勸告，加上當時受傷的腳開始影響日常生活，所以在2020年中的時候就做了微創手術。從做手術至物理治療完成，差不多用了六個月時間。而做完手術之後，亦明顯見到受傷的腳肌肉已經比以前少很多。當時物料治療師都提議多做運動去改善兩隻腳的差異，但疫情的情況影響運動嘅安排，所以當時進度相當緩慢。
直至今年七月，全職男平日要帶小朋友去上游泳堂，而眼見副池又不是太多人，決定開始定時游泳。剛開始其實都幾辛若，一來無咩體力，二來一向由細到大都是游蛙式，現在練自由式，都幾困難。一星期游兩次，游游下體力好左，兩隻腳的肌肉差異少左。
不過，到了十一月，練習去到一個樽頸位，因副池會在冬天關閉，只開主池，水深最深有1.9米，又不准用浮板。加上天氣開始轉凍，真係有啲頂唔住。
上網睇吓，新手冬天游泳，泳帽和保暖衣/褲好重要，最後在十月中買齊裝備。
進入2021最後一季，大跌的情况比上個月好左，所以期權的回報比上兩個月好好多，叫做追返上兩個月的數（期權目標$ 18000/月）。
這個月做左幾個平倉決定：
1）9988 Oct@150, 之前八月轉倉的貨，$1.96平倉；反手開返 Oct@137.5。
2）823 Dec@67.5, 之前九月轉倉的貨，$1.75平倉 ，叫做食咗胡先。
3）做左12（Oct@ $33)，941 (Oct@ $49) 和883 (Oct@ $9.5) 的Covered call, 好彩全部唔使交貨。
4）平倉 GEO 04/01/23，佢係2020年中買，每年可以收～$7k。但佢嘅評級之前被降低，安全為上（因仲有條GEO 10/15/24），先平倉食左胡先，先前收左一段時間利息，又袋埋$12k差價 , 當先收咗來年的利息，減埋少少槓桿。
今個月portfolio 又從12%上升返去21%，睇果張TWR performance 圖，好似過山車今，大上大落，心血少d都頂唔順🤮。又係果句，只希望穩穩陣陣keep 到下去就算啦。
還有兩個月2021就完結，股息和利息應該收得七七八八，睇吓portfolio 和期權可唔可以keep 到目標啦。
話今快又到八月中，仲有唔夠兩星期又一個月。依段時間日跌夜跌，跌到有d麻木，不過，投資就係好似人生今，有順景又有逆景，升下跌下。最緊要捱得過低潮，保住條命仔走下去。
講返自己組合，依排short put股票真係好似“唔洗錢，食到飽"。上月食左的貨暫時只買出12 恒基8000股 @$36.1，叫做唔洗輸和收回本金。
今個月要輸$1.8k，主要係隻9988 期權，因為驚佢繼續跌落去要接貨，所以安全d將佢roll 去十月和拉低個接貨價。個市成個跌樣，今個月都唔感太進取開SP，驚接貨食到毆，到時無曬d子彈仲大鑊。
因為有美股頂住，到今日個portfolio YTD 仲有 21%，叫到好彩。不過相對QQQ, VTI來講，個組合依段時間比較波動，希望年尾可以執下個組合。
今年仲有唔夠4個月，收息收得七七八八，應該還有約$6-7萬左右。
年年難過年年過，頂住，加油。💪
話今快，暑假又到尾聲，依個係我以全職男和我的小朋友第一個的暑假，所以想記下來，希望將來可以回憶下。
在暑假前，我老婆已經安排左小朋友的興趣班，一來佢可以唔使今悶成日起屋企，可以和其他朋友仔畫下畫，做下手工，二來我老婆驚我廿四小時對住佢會發癲，所以大家每天有幾小時分開下會比較好。不過，每星期總有一日不會上堂，我（有時老婆會請假）和小朋友出去玩下。我都幾享受和小朋友單對單去街，因為佢對好多事都好好奇，簡簡單單嘅地方已經佢可以開心一日，和他吃過漢堡包或飲杯汽水, 他已經非常高興。天真簡單的時間會使我感到很寶貴。
這個暑假，我有時和他踏單車，又去睇尖沙咀睇PIXAR FEST in Harbour City, 又去科學館睇PIXAR展覽，去書局，又去書展和山頂 (和老婆），真係充實和開心（因為見佢開心）。
另外，因為小朋友在暑假每星期平日要多操一日游泳，上堂前我又可以和他一起游下水，依段時間真係不得了，現在我和他都變左黑人（被老婆鬧死)。而亦因為這個安排，我都開始習慣一星期游一次水，希望可以保持這個運動習慣。
暑假完，小朋友又開始他的學校生活。我覺得我很幸運可以和他渡過這兩個月，當中有開心，有吵架，有笑有淚。希望這段回憶可以長留在我們一 家人的心中。
下次暑假，他又大一歲，不知又會點樣。。。
和他親蜜的時間好似在倒數中，因為他一天一天長大，他會有自己的朋友和世界。我和老婆心有時會酸酸的，希望我們可以慢慢享受餘下的親密時間啦。😭
話說屋企大廳的分體式冷氣機兩年左右就叫人黎大洗一次，大約$1000。如果唔洗去水喉就會唔順，之後就漏水。
對上一次大洗係上年年尾，又係因為漏水問題出現。估唔到未夠一年，前幾日部冷氣機又開始漏水。可能依段時間成日起屋企（之前WFH)，成日開冷氣，導致去水喉快塞左。
叫師傅嚟攪最快都要幾日後，依排成日落雨，又焗又濕，無冷氣會唔掂。
上YouTube 找方法，d人話一條3分膠喉一陣就攪掂，點攪？用口吹返通個去水位。
於是，去五金舖買左條膠喉，成為$5。
之後拆咗部冷氣機試吓，用口吹幾下，話今快真係通返。成個過程最耐係拆部機，因為個面罩好難攪，用左成40分鐘，通喉只係15分鐘左右攪掂。
攪完，開返部冷氣，爽呀！以後學識處理部機漏水的問題，雖然唔係省很多錢，不過不用等人幫，省時間。😬
