人生，工作，思考

人到四十，工作十幾年，依幾年上到中層，有d人管下，又少少權力，依d都係以前剛開始打工時想要的野。但到左近年公司合併後，開始發覺唔係路。
所為中層，則係上面俾target你，叫你同你下面班「靚」攪點去！時間：7x24x12, 點叫下面做：威逼利誘。好多時要先說服自己再去說服人哋,好聽啲嘅話叫呃人哋。真係幾辛苦！不過人工包左㗎喇，再加上現在email咁方便，基本上假期都要覆email。成個人緊張到瞓覺都唔安樂，聽到email嗰個音效好似魔咒。不過又係嗰句：人工包左！

見到小朋友長大，反而想放多啲時間去睇住佢，同想辦法教好佢。想同佢玩多啲，因為人越大發覺好多嘢返唔到轉頭。佢長大咗如果Miss左咁就冇㗎啦！

老實講，去到依個位，俾我再上都唔想。我見到我老細，基本上做到好似無屋企咁。錢好似賺咗好多（可能無時間去洗），但係果鍾壓力大到痴線！仲有，越高位，個頭伸得越出，越快俾人砍落嚟！就算中層，打死都要縮低d，才是生存之道。


算吧啦！
快快手手，財務自由。
快快快，同公司講拜拜😠