話說屋企大廳的分體式冷氣機兩年左右就叫人黎大洗一次，大約$1000。如果唔洗去水喉就會唔順，之後就漏水。
對上一次大洗係上年年尾，又係因為漏水問題出現。估唔到未夠一年，前幾日部冷氣機又開始漏水。可能依段時間成日起屋企（之前WFH)，成日開冷氣，導致去水喉快塞左。
叫師傅嚟攪最快都要幾日後，依排成日落雨，又焗又濕，無冷氣會唔掂。
上YouTube 找方法，d人話一條3分膠喉一陣就攪掂，點攪？用口吹返通個去水位。
於是，去五金舖買左條膠喉，成為$5。
之後拆咗部冷氣機試吓，用口吹幾下，話今快真係通返。成個過程最耐係拆部機，因為個面罩好難攪，用左成40分鐘，通喉只係15分鐘左右攪掂。
攪完，開返部冷氣，爽呀！以後學識處理部機漏水的問題，雖然唔係省很多錢，不過不用等人幫，省時間。😬
7 則留言:
分體式都會塞? 我之前果部分體機用左十多年都冇咩事. 我仲以為窗口式每年例塞添
都要睇條去水喉的長度和斜度。
我聽洗冷氣機師傅話我的台機去水喉唔夠斜，所以原本去水都會慢，如果加上有塵導致少少塞，今就出事。
無計，無你今幸福，為有自己慢慢攪。😭
實在太厲害.....
勁!!
我屋企用窗口式又試過咁塞左去水喉，都睇過用口吹呢個方法。奈何搬唔郁部機(拆完個殼，退出黎時太重而我部機個位又難搞。而且我驚夾硬退出黎，裝返落去時成部機飛左落街)，結果第一次係俾錢人搞。第二次就直接換左部冷氣同叫師傅做過個盤/喉...
窗口機自己搞唔到，佢一定要成部機拆出嚟先至得。部機咁重搵人搞算啦，一陣搞到自己傷咗仲煩。
我最近都係搵人幫手安裝隔音墊喺部窗口式冷氣機度， 又係要成台機拆落嚟搞，個隔音墊只係二百零蚊，但拆機都成$300，買單成五百幾蚊。😭😭
3分喉要買幾長? 正確做法係吹氣入去定係拎住條喉不停出出入入?
我屋企都成日漏, 但有時又一滴都冇, 玩死
唔好太長，太長驚會唔夠力吹到成條喉，約10-12吋就夠。
其實好似泵波今，條3分喉要插入條去水喉口，盡量避免漏氣，如果唔夠實，可以用水喉膠布包一包條3分喉。
如果插得實，吹幾下應該見到有去水改善。
發佈留言