上文講(半年前😭😭) 到業主加租, 一加就加成廿幾三十%，真氣頂。果刻老婆大肚，佢條PK 業主見到我地,望兩望同我講：「 租俾你哋果時無諗過會住今多人, 依家又小朋友又工人姐姐（之後到）。」我心諗住幾多人関你q事, 我又唔係分租, 真係火都嚟。
就當考慮的時候，我同老婆商量不如去睇下其他租盤。當時去到樓下地産鋪, 正常地話無咩租盤(當時2012)，又介紹下賣盤， 其中一個無樓睇的，可以考慮下。我頂，幾球野買到咩都唔知, 係唔係痴 q 線...最後我哋決定去果個單位「樓下」「遠距離」睇下佢。
去到睇咗十幾分鐘，都唔知睇到d咩，雖然個單位係低層，但拉埋窗簾，睇條「毛」。之後頂唔順，再試吓找單位樓下的agent問吓，問吓問吓，個agent話有個相同的賣盤單位，依家有一枱人上樓睇盤，有興趣可以寫隻🐢，一齊上去睇。我哋諗：睇吓無妨，又唔洗錢。今就兩枱人同agent一齊去睇。
唔睇無野，一睇出事。個客廳大，中層外邊望山境，算開樣，向東北，睇日出！我同老婆望左好Q耐，因為當時租住的單位係向西北，夏天因太陽下山放工返到屋企熱到PK，冬天又凍到死。
個單位我同老婆都鐘意，agent又講「有買襯手」。睇完去返單位樓下，我同老婆商量左成個鐘，最後打俾agent講「晚上過嚟俾細訂，請幫手通知業主。」就今樣做咗業主。買完真係無晒錢，也要賣哂所有股票，係在結婚之後又去回原位。當時感覺真係好空虛，無安全感。買完因無錢裝修，加上小朋友不久就出生，所以最後都係租返原本單位，把新買單位先出租俾人。不過，也因為當時的不覺意，食到依幾年樓市升幅，加吓按及轉吓按，又將銀彈增加，可以玩返股票。有返d錢，間屋又裝修好，幾年前可以搬返入去。終於可以有自己的屋企😬
今就過咗幾年，現在回想起，好多野都諗黎都無Q用。好多野都好似整定今，不論家庭，工作，財富。
寫咗好長，如果有緣份睇到這裡，非常感謝!🥺🥺
財務自由，我來啦！🤨
7 則留言:
有自住樓,點都心安d
始終一家大細嘛
祝你早日財務自由
係呀，如果「果」刻無買，我諗我一家大細真係煩。
多謝。我都想財務自由，原本係有終點的時間表，不過最近有變數，因為考慮緊移民。
希望你都早日自由。
共勉之！
打算搬去邊？
加拿大。
都係近幾個月開始有今的諗法，最主要原因係小朋友。所以，成個人生計劃又要再諗過。
😩😩😩
加拿大係好地方,如果嗰邊有朋友/親戚,容易適應d.
但華人,真係好難搵工。
好多朋友,移咗民去,又回流返嚟。
嗰幾年,一直量地。
是的，會有機會量地。所以，一個安全的財務計劃好重要。萬一有咩事，都可以撑得住。
不過，現在果到d生活消費唔會高過香港，加上通常在家煮飯，教育又免費（中小學），會少d支出。因為高稅率，反而d唔太熱沖工作。
好多人都話：香港係賺錢的地方（大把機會），加拿大係生活的地方（同一價錢，更好質素，特別教育）。
加拿大的學校，分官立、私立，不是全部免費
稅率雖然高，但為同一僱主工作，做幾年，就可以有vacation
放假期間，仲有vacation pay
住屋方面，Vancouver已經炒貴晒
Calgary都升咗好多
所以，移民真係要考慮好多嘢
你啱，安全的財務計劃好重要
發佈留言