又一篇自己吹水的文章。
話說舊老闆依last date係今個月尾, 上星期去咗佢office同佢吹吹水。言談中得知係俾人請走，今則係賠住走，今都好d。佢都講吓佢依段時間的苦況，例如做野無人support, 做完做得好無人欣賞，愈做愈無引，全部新公司的人玩曬。佢講的說話⋯⋯真係身同感受！完全同意和明白，因為我現況都一樣。
佢亦分析香港公司的未來⋯⋯要返身，機會微⋯一句到尾⋯⋯等死。仲同我講叫我仲年輕，準備自己和為自己和家人未來打算。依樣野我幾年前都諗緊，原本好好地，衰在今年股票債券又⋯⋯⋯⋯，為有再諗辦法。
不過，點都好，阿Y 老闆可以賠住走，都可以話恭喜佢。我都諗⋯輪到我就正（因為我吔年資大）。唉😩⋯⋯學王菲話「又繼續等」。
自己方面，依排有諗過攪吓franchise 生意仔，不過要將d股價債券賣出部份才有資本，加上計過攪生意就係租金都佔total cost 50%，包埋其他計完成條數真係令我卻步。現在我咩都唔做，我都可以收下息，賣晒d貨去做生意,breakeven 最快都要6-8 月，加上現在經濟狀況，真係唔知幾時breakeven lor。
諗諗諗，真係成個諗樣今🤔
3 則留言:
整個香港都好似等死咁，真係諗下為自己為家人應唔應該留喺度(同樣問題九七時好多人都諗過)。
如果你本身無相關經驗，千析唔好因為諗唔到做乜就做生意，尤其係franchise (你franchise 俾人當然唔同)。最好係作為員工入行去試下，分清自己的幻想同現實，仲有興趣的話就學埋啲detail 位點處理。好多嘢睇人地做好易，但要自己落手做時唔識就係唔識，唔會模得到的呢。
多謝yan 兄。
依半年我同我老婆都有諗離開香港。因為covid-19，所有野停曬。我哋會睇多一年外國的情況（特別對華人歧視）⋯⋯
我都贊成你的講法，如果去轉field, 作為員工入手比較穩陣。學嘢仲有錢收，相當好主意。
香港始終有佢價值~既然人地改變唔到~唯有我地自己改變
~始終宜家要網絡創業未必太困難,難就難在有無好idea
發佈留言