人生可有知己

今次唔講投資，只係想發吓牢騷⋯⋯

數年前，小弟的公司被合併之後, 全球不同地方嘅舊公司的大老都相繼離開。昨日，又收到一個壞消息，今次輪到我舊老細阿Y。阿Y大學畢業從前線做到sales, 再轉做marketing / BD, 最後做埋RD 阿頭，風頭無兩。佢出名轉數快，識sell 野，起舊公司打滾超過廿年。不幸，合併之後，頂佢個位係博士, 阿Y從帶八九十人，減頭二十來人，之後四五個，最後只有單拖。也從RD 阿頭，轉去其他部門，轉來轉去。最後，都係選擇離開公司。
阿Y可以話係我的伯樂，佢幫我唔少，起佢身上面學到很多東西。佢對工作的投入會令人有d害怕 (舊公司時曰曰朝九晚十）。我仲記得起合併後我和佢起美國，佢得知俾人燉冬菇的第二日，佢食午餐談笑風生同我和台灣仔講，果刻佢的EQ去處理成件事真係令我佩服。
原本阿Y係香港office 的大頭, 今次阿Y的離職，亦對香港office對新公司的重要性響警號，可能一兩年後，香港依個office亦可能不再存在。

祝阿Y未來工作順利。