自從三月開始，因工人姐姐要返家鄉，自己在工作上也想有個小休，很快已成為全職男已經兩個月。
剛開始真是手忙腳亂，又要打掃做家務，煮飯，睇住個股市（主要股票期權），還要帶小朋友，和他溫習，時間真的不夠，每晚身體也有點疲倦。不過，最近兩星期，全部工作開始適應，時間開始比較好安排。
過去幾星期，讀了一個DIY家居維修課程，雖然這只是初級（BB班），不過能夠有少少大concept。於是，今天自己動手嘗試更換廚房的抽氣扇。之前如果壞了找師父更換（機連安裝）約1千元。我今早去電器店買台機只是四百元（KDK 電葉）。拆卸連安裝用咗約半小時，這樣就省了六百元！不枉我俾錢讀這個BB班😬。
其實，這段時間，很多朋友都會問我離職之後的打算。說真的，自己真的想停一停，慢下來去睇吓周圍的事和人。暫時未有打算。
最近，自己見到小朋友的成績開始少少進步，自己又多咗運動，又可以煮吓野食，做下電器仔維修下家電。股票，股息加期權暫時成績都不錯，叫做對自己有交代。
繼續加油💪！！
頂住😤
6 則留言:
請問師兄，DIY家居維修課程系邊度讀？
有次去五金鋪買坐厠駁上水箱的組件,個售貨員見我係女人睇死我唔識整,後來包水喉膠布嗰啲接位係厚啲但冇漏水一樣攪得掂。
@Liyi
我在裝修學院上。它是一個速成班，只是一個早上課程，主要講解一下工具和基本原理，所以是BB班。它包有200小時的online video，裡面有很多有用的資訊（水，電，家居基本裝修，維修都有）。另外，它也有一些進階班，你可以考慮下。
其實，工聯會或電協有有相關的課程，不過，貴d和長時間d。
@ cool him
我覺得現在和以前唔太一樣。
以前，自己認為什麼事都找師傅攪，用錢攪掂。但現在很東西都可以在網上找到，只要自己有心試下，或問下別人，發覺自己可以都攪得掂。
安全情商下，試試吓就得。
我換個抽氣扇之前，其實我都自己試下換咗左插蘇底（原本係好似冷氣機條電線直入果種，我想轉成可以插三腳插頭的蘇底）。熄咗大制（一定要安全），又係半個小時攪掂。個蘇底只是$51。如果叫師傳攪，又收一二百元。
所以，唔好睇小自（不管女人男人）。最緊要安之上。
有左基本常識(中學物理已經有教家居電路同果三條線乜線打乜線，當然，唔記得的話仲有萬能的google)，其實簡單的電的話好易搞。當然，唔係講緊拉線換大掣果種啦。
我成日都覺得去學下水電，就算唔係真係落手做起碼無俾人呃得咁勁呢。
全職爸爸加油!學水電非常實用，家中有甚麼事也不用再「企響度」，加油!
發佈留言