黑天鵝，你點估？

還記得兩年幾前，滙控（5）從六七十蚊一路跌跌......跌到三十幾蚊，全世界都講到佢就嚟唔掂執笠今，兩年後的今天，剛公佈業績，股價睇一睇，又上返去五十多蚊。又睇下長實（1113）疫情初期跌到四十蚊，期間主席兩父子不但不減持，還倒過來不段增持，今日又去返五十蚊。

事情使我回想起之前讀過一本十分好的書 - 致富心態 （the psychology of money), 書中其中一個重點：預留犯錯空間。

所為黑天鵝，就是你想不到，估不到的事情，既然想不到又估不到，你只能預留犯錯的空間。書中提到投資前要做的第一件事，就是存錢。存多點錢，你可以為已知道，甚至不知的風險做好準備和有足夠的安全邊際，讓你在股海中存活下來。

例如，你玩SP期權, 我自己第一重點，你要點選股票，當你沒有足夠的資金，可能會選細細位的股票，又或為了賺多點權金會做得比較貼價或入價。你可以想像，當黑天鵝殺到，細股會跌得最金，你又做貼價或入價的期權，這樣你就大鑊，你可能會用盡你有限的資金接貨，但細股災難後通常返身時間比較長，最後你可能避免資金被鎖而止蝕收場，偷雞唔到蝕渣米。 

相反，當有足夠資金，我會選中大型心儀股票，股東質素也相對好少少（好多時會增持，如1113，868, 823.....)，我自己也習慣寧願賺少一點期金，做低好幾個價位，預留大跌的空間。最壞遇上黑天鵝，跌幅相對較少和返身時間也較短。所以，萬一接貨，有存款比較舒服去接，這樣你會多了資產。當然，如有足夠存錢，就算資金被鎖住，這段期間可以收下股息，如果股價上升又可以做covered call（甚至賺到差價），又多了現金流。

我自己覺得，有一定存錢預留犯錯空間，很多事情的做法都可以很相似（如槓桿投資），最重要不影響自己家人的生活，就不用次次止蝕平倉。當然，無人太想見股災或黑天鵝，如你要完全逃避它，可能只能不參加股票投資。相反，如你要參與，你就要有自己足夠和舒服的安全邊際，和嘗試減低風險。