係真係完結，或是平靜係等更高更大的海浪打過嚟。who knows?
這段時間，真的去再思考今次的經驗及未來的操作。更加了解一個散戶的渺小。
人生的大浪何止一個，點樣做到隨浪而行，真係要花多d時間去參透。
最近都睇咗其他blog友的投資方法，例如龔成兄，雲地兄，保羅兄⋯⋯等。發覺之前自己的投資方向太集中長遠收息，股價通常都係會反影未來的情況。當股價上升後，忽略對應操作，只重視收息。等大浪一到，股票未來的價值不能對現（可能短時間），股價及派息齊跌。再者，資金因股價下跌亦俾鎖住，自己只能在大浪中被動式強活，缺乏充足資金主動進攻。
錯就要認，記下來，準備好（資金，計劃），再上「財務自由」路！
你準備好未？？
頂住頂住⋯⋯😤😤
4 則留言:
或者睇得太多「長線投資不應看短期波動」的講法，但唔記得左自己只係散戶，唔係好似巴菲特咁賬面跌幾多都可以理(實質上佢理唔到，佢清貨本身就會造成一場股災）。
之後要提醒自己趁高減持都係應該的策略呢!
我認為長線投資不應看短期波動其實係無錯的, 但投資者的情緒或過分槓桿會令到普遍投資者做唔到「長線投資」, 而且係今次黑天鵝事件中涉及太多不確定性, 令投資者對「價值」上的睇法有所改變, 所以先會有連連不絕的跌市。
至於趁高減持亦有一定難度, 因為很難去定義何謂「高」, 而且真正的好股票可以係升足 10 年, 放左未必有機會買得番, 最後又有可能忍唔住高追; 不過同意要控制注碼同比例, 令自己持股或資產時能夠安心, 組合得夠經得起風浪, 長期賺取一個合理的回報。
完全贊同，要在每逢高位出貨，如果做到就無乞兒。而依小弟的功力，更加不太可能。不過，就算一隻升足10年的好股，如可樂，騰迅，佢哋起10年中都有升跌的時段，中段升幅食下d胡，安心d。再者，又唔會賣晒，食咗胡的錢未等下，全世界今多股票，睇有冇其他機會囉。
現在，可能係時代不一樣，資訊太快太發達，market cycle time 比以前短左，可以快到2-3年就一轉，快嬴快輸。所以，所謂長遠投資，是否守住同一支股票？定係指長遠找更有投資價值的機會？我都未有絶對答案。
無計,鬼叫我唔係巴菲特！😭
都係果句,見步行步。
共勉之！😤
發佈留言