2020年4月2日星期四

記住記住 - 滙豐銀行 HSBC

幾年前,自從開始玩股票期權,滙豐係我最愛用的,貪佢係籃薵,夠流通,有買賣,SC/SP都可以,加上又有股息。時間一路一路過,股價有上有落,儲的貨愈來愈多。感覺:都無所謂啦5-6厘息收下都好。點知三月大插,由60元一路向下走,除淨後起初走一半貨,留一半貨收息,頂!點Q知佢今pk ,取消未期和今年一段時間派息。
講真,人升佢跌-ok,人跌佢插,仲要無水花,依家仲要無派息。我同其他blog友一樣,深感失望及無奈。
今早,狠狠地將所有剩下HSBC 的貨正價直出。
今次真係斬得很傷。有幸仲有份工資頂住,如果退休人士靠佢就食蕉。

回籠的錢去備用或減槓桿無今嬲😤😤

琴晚又睡得唔好⋯今年真難捱!😩😩

2 則留言:

yan 說...

買 5號進可攻退可守本來無可厚非,但而家個情況實在太特殊,已經無道理可言呢。

我都有朋友大半個月前5x 買左,唔夠一個月跌左兩成喊都無謂(重點係佢唔係諗住炒,只係諗住乖乖地收息...)。只可以話天有不測之風雲呢。

cut 左佢買其他甚至減槓桿好過。我本身無貨,尋日做左少少月底$40 LP,如果班機構投資者都清貨/換馬的話落返去青姐價都唔出奇呢。

G_T 說...

我最驚佢學渣打,股價插水,減派息,仲做埋供股。
我諗過,如果佢出齊「蕉數」,我的loss 會仲大。最大鑊係,就算全世界recover,我真係睇唔到佢的上升動力(佢又做到人升佢唔Q升的本領)。
安心又唔得,升值又無,點買?
股票好似一間公司管理,唔好的business就要處理,盡能力減少損失,再找其他機會。
有錢跟誠哥、基哥好過。最少佢哋自己會投自己公司一票,齊上齊落。