經過三月一役，明白欲速則不達，反而仲會蝕張！
看不到未來一段時間經濟會平穩向上，在一個風高浪急的情況下，平衡風險，保命最緊要，唔想下一次退潮又俾人知我無穿底褲😭
諗完又諗，月供股票可能係依個時世對我自己比較舒服的方法。一來上月蝕左的可以回下氣和儲下錢，二來不論外圍向上定向下，都可以月供小量比較安心。萬一touch wood 又有大浪來到，都有子彈頂住個收息組合及入吓貨。如果大市上升，去到今上下就出下貨食下胡。
希望一邊繼續收息，一邊月供打遊擊。
月供量不多，所以只選擇兩支:
2800
9988
試吓一年睇吓有冇成績啦⋯⋯
🤨🤨
8 則留言:
當然啦~月供起瑪令到自己舒服,又唔需要成日望住股價~
而且資金控制又隨自己操控,
簡單容易操作
叫做仲有份工，上youtube睇吓同其他blogger，又未試下囉。
不過其實都幾得意，之前自己試過跟保險買d儲蓄基金，儲咗一段時間，唔睇唔睇今又儲到一舊錢。
今次希望試吓一年後，再檢討。
師兄，你都係做月供股票？定係用其他方法？
月供2800，看似笨實，但跑贏七成散戶。。。
老散兄，經過依幾個月的教訓（溶段，滙豐，期油）⋯⋯深知自己天資有限，加上欲速則不達。
本人一路都不期望發達，只望安安心心養㓉自己及家人。
笨實係因為簡單，好似我前講供果個保險基金，供吓供吓今又二三十萬。錢雖然唔係大，但俾到我一個諗法：簡單可能才是美。（對，係可能，因為仲測試月供股票中）
攪依樣攪果樣，通常贏粒糖輸間廠。
年紀大，膽小左，有今而發。
本質簡單就是美
但人性喜歡刺激
所以發行機構設計咁多投資工具
比散戶選擇
滿足市場需求又可以大賺手續費 $v$
日日起公司被老闆點做野已經夠刺激，我唔太想再多d啦，年紀大，頂唔住。
有時諗：如果目的係一樣，點解唔去選個簡單d，但大前題依個簡單的方向要正確，就算成績未最理想，仲有機會fine tune.
加上，今次重創的其中一個原因，篤信公司長期發展盈利，忽略大環境的突然變化，錯過咗收割的時間。
將來會有定下的目標及策略，嚴格努力執行。
可能市場資訊長期灌輸收息股長線持有
短期價格不需理會
但發現收息股有時候都會升好多
尤其除淨前
升幅可能係3-4年既股息
以前唔理成日錯失賺取多幾年股息既機會
應該要沽出一部份
袋左落袋先係自己
再等低位補回入貨
如果入唔番
可以買入其他收息股
不用死守一兩隻
肥籃鳥兄，多謝留言，完全贊同。
小弟無知，經教訓後才明白。
所謂有胡唔食，罪大惡極⋯⋯
以前真係驚賣咗買唔返，仲以為唔同地方有d樹夠穩陣，為左個幾棵樹，山火燒到都唔Q理。
訂下目標，落實執行。
發佈留言