又到六月，一年的一半，又係一個字......跌！從年頭到現在，可謂一浪低於一浪。每月跌到約15%，幸運地在月尾又升返上少少，今個月也是這樣子。六月最後YTD 跌左～12% ，比上月（跌9.7%)跌多左😩。
不過對比QQQ 或VTI，它們YTD都跌了20-28%。唔睇唔覺，QQQ 和VTI 的max drawdown 都跌成20-30%，這一浪真的不細。如果只投資美股，這半真的不容易攪。後半年，疫情持續，通脹加息，地緣局勢不穩，對投資都是不利的因素。大家睇餸食飯，綁好安全帶😭。
期權方面，自己想試吓除淨月的內銀股做short put成效 （不用交股息稅的內銀收息法）, 所以在六月頭做左SP 939 @5.50，最後接左30000股。無計，今次可能太早做SP，權金不是太高,加上 939月中開始一路跌跌跌。不過，相信939升返上$5.50應該問題唔大。
其他期權就不用接貨，只收權金。另外，今個月期權金只做到$17k，主要原因是在六月中已開始做七月的SC 和SP，相信七月的權金可以補返六月的$3k （每月目標$20k)。
今個月股息利息終於好好多，大約有$53K, 叫做補返下血啦。之後，繼續VTI 和VXUS一路跌跌跌，繼續每月買少少。
老實講，大環境好多時都無辦法去控制或改變。但是如果覺得經濟長遠是向好的話，現實只能繼續做自己已計劃的事。相信慢慢致富之路，繼續生存在股票投資大海中，行駛三頭投資馬車：ETF, 股息 和期權。
頂住，加油啦😬！
Stock (in HKD$)
BND $487
VGIT $154
AGNC $1,412
1883 $6,800
941 $8,505
ME8U $1,901
M44U $3,589
12 $14,853
3 $1,010
J91U $1,141
VXUS $2,497
1098 $1,379
VTI $2,409
1052 $7,380
Sub-total (Stock) = $53,517
Bond (in HKD$)
NAVI 06/5/26 $196
Sub-total (Bond) = $196
Option (in HKD$)
Jan $19,250
Feb $26,735
Mar $22,135
Apr $19,200
May $24,260
Jun $17,665
Jun Total (Interest + Dividends + Options) = HKD$67,757 (已扣除利息支出)
11 則留言:
謝謝分享, 我自己3月開始無再做short option, 生疏了
想問你有無leverage去做short option, 定係做足covered(夠現金同股票)? 如果covered, 你會錢同股放哂落証券行, 定係接近要補倉時先喺銀行過數? thanks
我有現金和股票起個IB account,不過有做leverage,保持不高於1.5。
所以如果要接貨，主要現金去交收。
師兄初來步到, 多多指教, 原來你都有做OPTION, 我以前都有用IB, 仲主力做美股OPTION, 但後來輸到爆廠，依家都有做OPTION, 但係只限港股,而主要利潤都係來自港股正股, OPTION有賺有輸, 埋單都有少少賺。嘩!你好叻喎, 每月都收至少成萬元息, 上個月仲勁, 我都自愧不如,我要十年後先做到你最少的被動收入(約一萬元), 仲努力緊月以每月增一百多元的龜速行緊(現時只達到3000元左右)。
Foon 兄，多謝你的留言。
作為過來人，我自己都是從零開始，一小步一小步走出來，加油啦。
不過，延遲消費（享受）和儲蓄是一個很重要的因素。當你有一定的資金，你可投資很多野，和你的驘面會大好多，因為時間是你的朋友。例如你玩期權SP，當有一畢閒錢，就算接貨你都唔怕（不會影響你的生活），你可以收下息或等機會做返SC，又或是roll 去下個月都得。當然啦，如果資金有限，逼住要埋單賣貨吐返資金出來，今時間就不是你的朋友，這樣很多時輸多賺少。記住 space for error，不管資金和時間都要有buffer。
美股期權之前有玩，不過年紀大，太夜啦無玩，加上美股（我指大股）每隻都玩好大（100股），成本大。我自己會投資好幾隻期權，接貨每隻大約<HK$300k，叫做分散下風險，除非大大隻黑天鵝，全世界大跌，今就無計。選期權股票我會選大股，如9988，388，1113，1299，939，868，941等，佢地一是大大股，一是股息都有4-5厘，叫做有個保障。
Sorry, 太長氣。這只是我自己的諗法和做法，唔一定全對或全部你啱用。多多指教啦。
謝謝你的分享, 我都係集中做幾隻熟悉港股的OPTION, 但不是大股, 不超50元的股, 因接貨唔使太大資金, 心理壓力較少。另外前排有人同我講佢專做939,而且係做遠期SC,入左價有可能被行使會ROLL倉, 同一使價但到期日向後退, 例如7月開SC6.00, SEP 2022, 在9月股價升至6.1, 止蝕平倉, 開OCT, SC6.00, 期權金可以COVER 9月蝕的, 一直ROLL落去, 直至有錢賺。佢聲稱都有錢賺, 我半信半信半疑, 同你分享, 你覺得點?
謝分享,師兄上半年咁成績表現好好
Jin90hk,
其實賬面YTD還是負,所以成績還是有待改善😩。
但叫做有現金（股息/權金）補下血，叫做好啲。
Foon兄，
我不太讚同做naked call，因為（玩白頭片）可以輸好大，你估唔到佢是不是只升到$6.1，萬一佢痴左線，升到$7.0或以上，會出事。但如果你係做covered call,最多俾貨人地，收返本金再玩過。有資金可再做SP 又得，接到貨又可做下covered call。我覺得現金流是這樣產生。
當然，股市可升也可跌，總會有機會跌返$6.0以下，但你賺的會唔會cover到輸的，我有少少懷疑。還有，你會好被動，輸opportunity cost。你可以諗下，同一個行使價一路roll 一路roll,等佢返家鄉，我唔知等幾耐（無現金流返黎）。
這是我自己的想法，唔一定對，不過我自己就一直這樣嘗試了一年多（你可以睇返我之前的post)。
謝謝回覆, 對於939 SC的做法, 佢同我講時都同你有相似的回應, 佢都係講人哋同佢講, 唔去考究真確性, 當係有人咁樣玩, 得個知字。正如你講的CC (COVER CALL), 相反亦有COVER SELL, 即持有沽空正股, 加SHORT PUT, 不過我睇左一輪, 唔太明白, 亦唔打算學。
其實投資真係好個人的事, 只要找到適合自己的方式就可以, 不必學別人，正如若干年前在BLOG引用某本書的序言說:"別人的聖杯可能是你的墓碑!"(以國語讀)。我剛睇哂你自2019的文章,知你做全職湊仔公。我都有相似的經歴, 老婆為家庭主婦專心照顧兩個小朋友, 多年前離開服務接近20年的工作﹐我的本可能只係的1/10, 諗住全職炒股(做OPTION)可以支付生活, 每月都要有收入的嗰種心理壓力真的很大越, 越心急越輸﹐最後都係要再搵返工，有工作後接觸美股, 花好多時間去看公司資料, 你提到的監獄股都有買, 還有墳場股, 倒垃圾股....VIX的OPTION都夠胆玩, 最多賺左幾年既人工, 但過左一個月(Donald Trump上場後), 全輸清光不止, 還輸突, 真係世界末日咁。而且呢樣嘢一而再, 再而三咁發生﹐曾講過永不接觸股票。
年紀到咁上下, 退休的事迫在眉睫, 以現時收入只及以往人工的一半, 養家還可免強可以, 但退休就不行。人需要深切反省,總結自己的問題, 避免重蹈覆轍(其實都已發生過數次), 找出長期適合自己的SOP (STANDARD OPERATING PROCEDURE), 儲資產才是正路, 市場升跌不可控制, 但自己的心態可以調適。自2020底開始重返投資市場, 每月都有正數的回報, 再用以買入每月派息的基金, 以每月產生被動收入一萬元為目標,現時只達到2千多元, 還須持續堅持(不必努力, 持之以恒就可)，只要能持續穩定派息, 基金價格升跌不太理會, 反而跌對我更有利(更低價錢入, 而派息率上升)。
所謂財務自由是完全不用做而有被動收入，再不用担心市場升跌, 不會寢食難安。
今天放假寫多左。
Foon 兄，你講得無錯。條條大路通羅馬，有人高風險都可以瞓到覺，亦有人只想有覺可瞓慢慢致富。最重要自己舒服，不用比較。
雖然離開舊公司已年半，我現在也是在找新生活的節奏，不管投資，家庭也一樣。當然，全職爸很難賺回以前的薪水水平，但賺到的卻是和家人相處的時間和自己的健康。特別是自己的小朋友，他一天一天長大，真希望當他一世的好朋友。而之前做工作時間不短和壓力也很大，健康出了警號，退下來後可以多運動，希望有命和小朋友玩，和年老後健康不要太差生活下去。
老實講，要做到不用担心市場升跌，你一定要有足夠的流動資產（可以隨時對換現金）及現金，浪上浪落，有命生存生這個股海中。
多口講句，我以前在工作時為了加快儲錢速度，自己去借p-loan，然後去迫自己投資（有啲似供樓）。當然，你一定計好條數和有明確目標和定力，加上你要穩定的工作。你已有明確目標（約$400萬，3%產出$10k/月），加油啦。
大家加油！
發佈留言